Gazi Atik Ali posho masjidi – Turkiyaning Istanbul shahri, Fotih tumani Çemberlitaş (talaffuzi: Chemberlitash) mahallasida joylashgan XV asrga oid Usmonli masjidi. Bino qurilishi vazir Hadim Atik Ali posho buyrugʻi bilan 1496-yilda boshlangan va 1497-yilda sulton Boyazid II davrida yakunlangan. Masjid Kapalıçarshi, Konstantin ustuni va tarixiy Nuruosmaniye masjidiga kiraverish qismida joylashgan.